Spurningar og Svör Stoma

Heim

Stóma spurningar og svör

Spurningar og Svör Stoma

Er hægt að eignast börn þótt maður sé með stómíu?

Það hafa margar konur eignast börn þótt þær séu með stóma og það hefur ekkert háð þeim að vera með stómapoka. Hins vegar hefur svona stór aðgerð á kviðsvæðinu áhrif á frjósemi jafnt hjá konum.

Er hægt að gera allt með stóma sem venjulegt fólk getur gert?

Já, nánast allt. Stómaþegar hlaupa, hjóla, synda, klifra fjöll, kafa og margt fleira.

Er stómían ekkert viðkvæm fyrir höggi eða að eitthvað rekist í hana?

Stómian sjálf hefur enga taugaenda, ef þú færð högg gætirðu hins vegar fundið til verks í kviðvöðvum í kringum hana. Ekki er vitað um hér á landi að fólk hafi þurft að leita læknis eftir að eitthvað hafi rekist í stómíu.

Sést ekki á fólki að það sé með stóma?

Nei, þótt stómaþegi sjái kannski sjálfur einhverja smábungu á buxunum þá tekur engin eftir því. Nærbuxur sem ná upp fyrir stómíuna hjálpa til við að halda bungunni ósjáanlegri.

Er hægt að ganga í öllum gerðum af fötum?

Fyrst eftir aðgerð er líkaminn aumur á aðgerðasvæðinu og ekki þægilegt að vera í þröngu eða buxum með miklum streng. En þegar frá líður ganga flestir í sömu fötum og þeir notuðu fyrir aðgerð, t.d. gallabuxur.

Fleiri greinar...