Stómasamtökin

  • Stækka leturstærð
  • Sjálfgefin leturstærð
  • Minnka leturstærð
Heim Hagnýtt Efni Bjargráð
Bjargráð

Formáli

Miðvikudagur, 01. júlí 2009 14:20 Vefstjóri
Senda í tölvupóst Prentvæn útgáfa Skoða sem PDF skjal

Þegar fólk veikist af alvarlegum sjúkdómi eru fyrir hendi ýmiss úrræði í samfélaginu. Fólk stendur þá oft misjafnlega að vígi hvað áunnin réttindi varðar. Lög um almannatryggingar, félagsþjónustu sveitafélaga og félagslega aðstoð eiga að tryggja að allir njóti lágmarks framfærslu. Við þessar aðstæður nýtir fólk fyrst rétt sinn á vinnumarkaði en þegar honum lýkur taka sjúkrasjóðir stéttafélaganna við. Þegar greiðslur úr sjúkrasjóðum stéttafélaga falla niður geta tekið við greiðslur frá Tryggingastofnun ríkisins (TR) eða félagsþjónustu sveitarfélaga. Greiðslur til sjúklinga eru þannig háðar öðrum tekjum og áunnum réttindum fólks á vinnumarkaði.

 

Meðfylgjandi gátlisti er samantekt yfir helstu úrræði sem í boði eru fyrir krabbameinssjúklinga hjá Tryggingastofnun ríkisins, félagsþjónustu sveitarfélaga, stéttarfélögum og lífeyrissjóðum. Samantektinni er ætlað að hjálpa fólki til að fá yfirsýn yfir úrræði sem það getur hugsanlega nýtt sér við erfiðar aðstæður.

 

Vakin er athygli á því að sækja þarf um allar greiðslur og umsóknum þurfa að fylgja læknisvottorð og önnur umbeðin gögn. Eitt grunnvottorð frá lækni vegna umsókna fyrir sama einstakling nægir fyrir flestar bætur hjá TR. Félagsráðgjafar á Landspítala - háskólasjúkrahúsi (LSH) og á Sjúkrahúsinu á Akureyri (FSA) veita sjúklingum og aðstandendur þeirra nauðsynlega ráðgjöf og stuðning við að sækja um réttindi og leiðbeina fólki varðandi gögn sem þurfa að fylgja umsóknum.

 

Upphæðir bóta og styrkja í eftirfarandi samantekt miðast við janúar 2008. Upphæðir bóta breytast venjulega í janúar ár hvert.

 

Margir krabbameinssjúklingar og aðstandendur þeirra eru kvíðnir varðandi framtíðina. Því er mikilvægt að nýta sér þá faglegu aðstoð, upplýsingar og ráðgjöf sem í boði er. Við þessar aðstæður getur verið mikil hjálp í því að fara yfir stöðu sinna mála með aðstoð fagaðila. Gagnlegt getur verið að gera sér hugmyndir um þá framtíð sem í vændum er og oft er hægt að fyrirbyggja að léttvæg vandamál valdi áhyggjum og kvíða eða jafnvel depurð og þunglyndi. Því er mikilvægt að leita sér upplýsinga og aðstoðar og fá hjálp til að skapa nýja framtíð.

 

Reykjavík 1. janúar 2008.

 

Gunnjóna Una Guðmundsdóttir

félagsráðgjafi og verkefnisstjóri hjá Krabbameinsfélagi Íslands

Skógarhlíð 8, 105 Reykjavík.

Sími 540-1900, netfang  Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. , vefsíða www.krabbameinsfelagid.is

 

Efnisyfirlit

Miðvikudagur, 01. júlí 2009 14:21 Vefstjóri
Senda í tölvupóst Prentvæn útgáfa Skoða sem PDF skjal

Afsláttar- og lyfjaskírteini hjá TR ................................................................................ .... kafli 1.

 

Styrkir og hjálpartæki sem sækja má um hjá TR ....................................................... .... kafli 2.

 

Félagsleg þjónusta ........................................................................................................ .... kafli 3.

Heimaþjónusta ..................................................................................................................... kafli 3.1.

Fjárhagsaðstoð sveitarfélags ............................................................................................. .... kafli 3.2.

Húsaleigubætur ................................................................................................................ .... kafli 3.3.

 

Skattkort ....................................................................................................................... .... kafli 4.

Skattaívilnanir .................................................................................................................. .... kafli 4.1.

Fasteignagjöld ................................................................................................................. .... kafli 4.2.

 

Fólk á aldrinum 16-67 ára sem er í krabbameinsmeðferð .......................................... .... kafli 5.

Sjúkradagpeningar almannatrygginga ................................................................................ .... kafli 5.1.

Endurhæfingarlífeyrir, sjúkra og iðjuþjálfun ........................................................................ .... kafli 5.2.

Örorka ............................................................................................................................ .... kafli 5.3.

Bótaflokkar endurhæfingar- og örorkulífeyris .................................................................... .... kafli 5.4.

Tekjumörk endurhæfingar- og örorkulífeyris fyrir einstaklinga og hjón .................................... kafli 5.5.

Skerðing bóta almannatrygginga ....................................................................................... .... kafli 5.6.

Dæmi um greiðslur ......................................................................................................... kafli 5.7.

 

Laun í veikindum og áunnin réttindi í sjúkra- og lífeyrissjóðum ................................ .... kafli 6.

Sjúkradagpeningar stéttarfélaga ........................................................................................ .... kafli 6.1.

Réttindi í lífeyrissjóðum .................................................................................................... .... kafli 6.2.

 

Fólk á eftirlaunaaldri þegar það greinist með krabbamein ...................................... kafli 7.

 

Fólk með eigin atvinnurekstur þegar það greinist með krabbamein ......................... .... kafli 8.

 

Líf- og sjúkdómatryggingar tryggingafélaga ............................................................... .... kafli 9.

 

Fólk búsett úti á landi sem greinist með krabbamein ................................................. .... kafli 10.

Ferðakostnaður ............................................................................................................... .... kafli 10.1.

Endurgreiðsla ferðakostnaðar ........................................................................................... .... kafli 10.2.

Íbúðir Krabbameinsfélagsins ............................................................................................ .... kafli 10.3.

Sjúkrahótel LSH í Reykjavík ............................................................................................ .... kafli 10.4.

 

Ungt fólk sem er í námi þegar það greinist með krabbamein ......................................... kafli 11.

Sjúkradagpeningar og fjárhagsaðstoð til framfærslu ........................................................... .... kafli 11.2.

LÍN - dreifbýlisstyrkur ..................................................................................................... .... kafli 11.3.

 

Innflytjendur og erlendir ríkisborgarar í krabbameinsmeðferð ................................. .... kafli 12.

Túlkaþjónusta .................................................................................................................. .... kafli 12.1.

Íslenskir ríkisborgarar með lögheimili erlendis ............................................................... kafli 12.a

 

Börn sem greinast með krabbamein og aðstandendur þeirra .................................... .... kafli 13.

 

Endurhæfing fyrir krabbameinssjúklinga á LSH  og FSA................................................ kafli 14.

Endurhæfing ......................................................................................................................... kafli 14.1.

Félagsráðgjöf ................................................................................................................... .... kafli 14.2.

Sálfræðiþjónusta .............................................................................................................. .... kafli 14.3.

FSA, Kristnesspítali............................................................................................................... kafli 14.4.

 

Önnur endurhæfing ....................................................................................................... .... kafli 15.

Ljósið, NLFÍ, Reykjalundur.............................................................................................. .... kafli 15.1.

 


Orlofsdvöl fyrir krabbameinssjúklinga ........................................................................ .... kafli 16.

 

Heimahlynning .............................................................................................................. .... kafli 17.

 

Aukaverkanir sem fylgja lyfja- og geislameðferð ....................................................... .... kafli 18.

 

Næring og bætiefni ....................................................................................................... .... kafli 19.

 

Fræðsluefni um krabbamein ......................................................................................... .... kafli 20.

 

Sálfélagslegur stuðningur ............................................................................................. .... kafli 21.

 

Stuðningshópar krabbameinssjúklinga ........................................................................ .... kafli 22.

 

Stuðningshópar úti á landi ............................................................................................ .... kafli 23.

 

Þjónustumiðstöðvar Krabbameinsfélagsins ................................................................ .... kafli 24.

 

Önnur félög ........................................................................................................................ kafli 25.

 

Önnur fjárhagsleg hagnýt úrræði ...................................................................................... kafli 26.

 

Önnur félagsleg hagnýt úrræði  ................................................................................... .... kafli 27.

Hreyfihömlun ................................................................................................................... .... kafli 27.1.

Leikskólar ....................................................................................................................... .... kafli 27.5.

Táknmálstúlkun ................................................................................................................ .... kafli 27.6.

 

Atvinnuleysisbætur ....................................................................................................... .... kafli 28.

Atvinnuendurhæfing .............................................................................................................. kafli 28.1.

 

Óhefðbundnar lækningar .............................................................................................. .... kafli 29.

 

Andlát ............................................................................................................................ .... kafli 30.

 

Stuðningur eftir andlát .................................................................................................. .... kafli 31.

 

Vefsíður og símanúmer ................................................................................................. .... kafli 32.

 

Lög sem vitnað hefur verið í eða tengjast réttindum sjúklinga........................................ kafli 33.

 

Gátlisti................................................................................................................................. kafli 34.

 

1. Afsláttar- og lyfjaskírteini almannatrygginga

Miðvikudagur, 01. júlí 2009 14:22 Vefstjóri
Senda í tölvupóst Prentvæn útgáfa Skoða sem PDF skjal

Samkvæmt lögum um almannatryggingar nr. 117/1993, geta krabbameinssjúklingar átt rétt á neðangreindri fyrirgreiðslu hjá Tryggingastofnun ríkisins. Einnig er í reglugerð um hlutdeild sjúkratryggðra í kostnaði vegna heilbrigðisþjónustu nr. 1030 frá 17.12.2004 kveðið á um gjöld sem sjúkratryggðir skulu greiða fyrir heilbrigðisþjónustu sem veitt er á heilsugæslustöðvum, á bráðamóttöku og á göngu- og slysadeild sjúkrahúsa og fyrir heilbrigðisþjónustu sem veitt er hjá sjálfstætt starfandi sérfræðilæknum.

a)      Afsláttarskírteini. Þeir sem hafa greitt 21.000 kr. fyrir læknisþjónustu á almanaksárinu eiga rétt á að fá aflsáttarskírteini hjá TR. Lífeyrisþegar fá afsláttarskírteini þegar þeir hafa greitt 5.200 kr. og öll börn yngri en 18 ára í sömu fjölskyldu sem greitt hafa 7.000 kr. fyrir læknisþjónustu á almanaksárinu. Framvísa þarf frumriti greiðslukvittunar hjá TR. Þeir sem sækja um afsláttarkort eftir að vera búnir að greiða meira en sem nemur hámarksgreiðslunni (21.000 kr.) geta fengið 2/3 hluta af mismuninum endurgreiddan.   Afsláttarskírteinið veitir afslátt af komugjöldum á heilsugæslustöð, til heimilislæknis, vitjun læknis, komu til sérfræðings, komu á göngudeild, slysadeild, bráðamóttöku og til rannsókna á viðkomandi einstaklingi.

b)      Lyfjaskírteini. Læknir sækir um lyfjaskírteini fyrir krabbameinssjúkling. Tryggingastofnun greiðir krabbameinslyf og stoðlyf þeim tengd að fullu. Greiðsluþátttaka krabbameinssjúkra í öðrum lyfjum getur verið mismunandi.

Síðast uppfært: Miðvikudagur, 01. júlí 2009 14:42
 

2. Styrkir sem afgreiddir eru hjá TR

Miðvikudagur, 01. júlí 2009 14:23 Vefstjóri
Senda í tölvupóst Prentvæn útgáfa Skoða sem PDF skjal

Í reglugerð um styrki Tryggingarstofnunar ríkisins vegna hjálpartækja nr. 460/2003 með breytingum nr. 62 frá 17. janúar 2006 er kveðið á um styrki vegna kaupa á ýmsum hjálpartækjum og gervihlutum vegna breyttrar líkamsímyndar ásamt hjálpartækjum við persónulega aðhlynningu og fatnað.

a)      Styrkir til kaupa á hjálpartækjum vegna minnkaðrar færni vegna sjúkdóma. Umsóknareyðublöð um styrki eru á heimasíðu TR. Grunnvottorð læknis vegna krabbameins þarf að vera til staðar hjá TR. Skilyrði fyrir veitingu styrks til kaupa á hjálpartækjum er minnkuð færni og/eða sjúkdómur. Sbr. 33. grein laga nr. 117/1993.

b)      Styrkir til kaupa á hárkollum, höfuðfötum, gerviaugnabrúnum, gerviaugnhárum nema 43.000 kr. á ári (styrkurinn gildir ekki fyrir tattóveraðar augnabrúnir). Læknar á LSH senda grunnvottorð til TR um að viðkomandi einstaklingur sé í krabbameinsmeðferð og í framhaldi af því sendir Hjálpatækjamiðstöð TR, Smiðjuvegi 28, Kópavogi viðkomandi krabbameinssjúklingi bréf um að hann geti keypt þessar vörur. Söluaðila eru m.a.: Hárkollugerð Kolfinnu, Skólavörðustíg 8, Reykjavík, Hár og heilsa, Skólavörðustíg 10, Reykjavík og Stoð, Trönuhrauni 8, Hafnarfirði. Krabbameinssjúklingum er heimilt að versla þessar vörur annarsstaðar en hjá ofangreindum aðilum og geta þá fengið endurgreitt hjá Hjálpatækjamiðstöð TR eða látið senda reikninginn þangað. 

c)      Styrkir til kaupa á gervibrjósti og brjóstahöldum og sundfatnaðar nema 43.000 kr. á ári (63.000 fyrsta árið). Umsóknareyðublað er á vefsíðu TR og þarf læknir að staðfesta umsóknina á hverju ári sem varan er keypt. Styrkurinn er 43.000 kr. á ári (miðað við eitt brjóst) og þarf kaupandinn að greiða það sem umfram er. Þegar umsóknin hefur verið samþykkt þarf að koma henni til Hjálpartækjamiðstöðvar TR þar sem viðkomandi fær bréf í hendur sem sýnt er þegar vörurnar eru afgreiddar. Bréfið gildir í 12 mánuði. Endurnýja þarf innkaupaheimildina árlega og er það gert með því að læknir sendir inn nýja umsókn en þá þarf læknisvottorð ekki að fylgja. Söluaðilar eru m.a. Eirberg, Stórhöfða 25, Rvík, Elín Finnbogadóttir, Rauðagerði 39, Rvík, Lífstykkjabúðin, Laugavegi 82, Rvík, Sjúkravörur, Suðurlandsbraut 52, Rvík,  Stoð, Trönuhrauni 8, Hafnarfirði og fl.

d)      Hjálpartæki og stómavörur vegna þvag- og hægðavanda eru að mestu leyti greidd af TR. Þrýstingsbuxur vegna stóma eru greiddar sem nemur 70% að hámarki 11.500 kr. fyrir stykkið.

e)      Hjálpartæki og nauðsynlegar vörur vegna brottnáms raddbanda eru einnig greiddar af TR.

f)        Styrkir til kaupa á næringarefnum og sérfæðis eru afgreiddir samkvæmt beiðni frá lækni.

Síðast uppfært: Miðvikudagur, 01. júlí 2009 14:42
 

3. Félagsleg þjónusta

Miðvikudagur, 01. júlí 2009 14:23 Vefstjóri
Senda í tölvupóst Prentvæn útgáfa Skoða sem PDF skjal

Samkvæmt lögum um félagsþjónustu sveitafélaga nr. 40/1991 skal sveitarfélag sjá um félagslega heimaþjónustu til handa þeim sem búa í heimahúsum og geta ekki séð hjálparlaust um heimilishald og persónulega umhirðu vegna skertrar getu, fjölskylduaðstæðna, álags, veikinda, barnsburðar eða fötlunar. Með félagslegri heimaþjónustu skal stefnt að því að efla viðkomandi til sjálfsbjargar og gera honum kleift að búa sem lengst í heimahúsum við sem eðlilegastar aðstæður. Með félagslegri heimaþjónustu er átt við hvers konar aðstoð við heimilishald, persónulega umhirðu, félagslegan stuðning, gæslu og umönnun barna og unglinga. Áður en aðstoð er veitt skal sá aðili, sem fer með heimaþjónustu, meta þörf í hverju einstöku tilviki. Læknisvottorð skal liggja fyrir þegar um heilsufarsástæður er að ræða.

3.1.      Heimaþjónusta. Fólk sem býr í heimahúsum og getur ekki annast heimilishald eða persónulega umhirðu hjálparlaust getur fengið félagslega heimaþjónustu. Markmið þjónustunnar er að gera fólki kleift að búa á eigin heimili þrátt fyrir erfiðleika á borð við veikindi, álag, fötlun eða fjölskylduvanda. Starfsfólk í heimaþjónustu annast m.a. almenn heimilisstörf svo sem heimilisþrif og þvotta og leitast við að mæta persónulegum þörfum. Félagslegur stuðningur, hvatning og samvera eru mikilvægir þættir í starfinu. Notandi greiði 530 kr. fyrir hverja vinnustund. Undanþegnir gjaldskyldu eru þeir notendur sem einungis hafa tekjur frá TR.

3.2.      Fjárhagsaðstoð. Rétt á fjárhagsaðstoð geta þeir átt sem eiga lögheimili í sveitarfélaginu og hafa tekjur undir ákveðnum viðmiðunarmörkum. Fjárhagsaðstoð á mánuði í Reykjavík getur verið allt að 99.329 kr. til einstaklings og 158.926 kr. til hjóna. Viðmiðunarmörkin eru þau sömu og fjárhagsaðstoðin þannig að aðrar tekjur dragast frá greiðslunum. Aðstoðin er óháð barnafjölda og er reiknað með að barnabætur, meðlag og barnalífeyrir mæti kostnaði vegna barna (www.fel.is). Þeir sem eiga eignir umfram íbúð og bíl til einkanota eiga ekki rétt á fjárhagsaðstoð. Nánari upplýsingar má fá hjá símaveri Reykjavíkurborgar sími 411 1111.

3.3.      Húsaleigubætur. Markmiðið með húsaleigubótum er að lækka húsnæðiskostnað tekjulágra leigjenda og draga úr aðstöðumun á húsnæðismarkaðnum. Þeir sem hafa árstekjur undir 2.000.000 kr. á ári geta átt rétt á húsaleigubótum en fari tekjur yfir þá upphæð skerðast bæturnar. Hægt er að reikna út upphæð húsaleigubóta í reiknivél á vef félagsmálaráðuneytisins: (http://www.felagsmalaraduneyti.is/malaflokkar/husnaedismal/husaleigubaetur/reikniforrit/).

Í Reykjavík hafa þjónustumiðstöðvar Velferðarsviðs Reykjavíkurborgar í hverfum borgarinnar með þessi mál að gera og eru greiddar húsaleigubætur gegn framvísun þinglýsts húsaleigusamnings til a.m.k. sex mánaða (www.fel.is). Sjá nánar í lögum um húsaleigubætur nr. 138/1997.

3.4       Útsvar. Sækja má um lækkun útsvars séu ákveðnar aðstæður fyrir hendi hjá umsækjanda. Til dæmis þegar um er að ræða verulega skert gjaldþol vegna veikinda, slyss eða mannsláts.

Vegna verulegra útgjalda umsækjanda (framfæranda) umfram venjulegan framfærslukostnað og vegna barns sem haldið er langvinnum sjúkdómi eða fötlun.

Umsækjandi hefur foreldra eða aðra vandamenn sannanlega á framfæri sínu. Læknisvottorð og/eða viðeigandi gögn þurfa að fylgja umsókn.

Síðast uppfært: Miðvikudagur, 01. júlí 2009 14:41
 
Fleiri greinar...


Síða 1 af 8

Borði
Styður gerð þessarar síðu.