Næsta þriðjudag þann fjórða maí verður fundur hjá Krafti sem ber yfirskriftina "Takmarkanir eru í huganum en ekki líkamanum". Þar munu tveir strákar deila sinni reynslu af krabbameini. Annar þeirra, Ágúst, er með stóma og stefnir á þrekvirki í sumar í formi fjallaklifurs. Við bendum því á að allir stómaþegar ættu að kíkja á þennan fund og heyra sögu þessara drengja. Þetta verður í Skógarhlíðinni og fundur byrjar kl 20:00.
Hér er svo auglýsingin sem er á vef Krabbameinsfélagsins.
"Takmarkanir eru í huganum en ekki líkamanum. Upplifum vellíðan saman í sumar í formi hreyfingar og ánægjulegrar samveru. Steinar B. Aðalbjörnsson og Ágúst Kristján Steinarsson segja okkur reynslu sína af því að takast á við krabbamein go halda áfram að takast á við ögrandi verkefni sem krefjast jafnframt líkamlegs úthalds. Nýtum okkur eldmóð þeirra til að takast á við ánægjulegar samverustundir Krafts í sumar í formi hreyfingar"
Með kveðju,
Stjórnin
